عرضت قصيدتي هذة على بعض الأصدقاء وقت إمتحاناتي و أثنوا عليها ـ أكيد كانوا بينافقوني علشان أذاكرلهم ! ـ و عرضتها على أصدقائي المدونين الذين كانوا معي في لقاء الأسكندرية و أثنوا عليها هم الأخرون ـ كده أنا هتغرّ و لا إيه !! ـ المهم إليكم قصيدتي أهديها إلى كل مدوّن و لي إهداء خاص في نهاية القصيدة ... إليكم قصيدتي
مين أنا ؟
أبدأ سؤالي بمين أنا؟
مين اللّي كان واقف زمان
زيّ الهرم زيّ الكمان
و ف الميدان
صوته جلجل ف المكان
من كام سنة
مين أنا؟
و لو بدأت بفين أنا؟
و لو بدأت بفين أنا؟
ألقى الجواب
زيّ الكتاب
مليان سراب
بس فين راح القلم
ليه العلم نكسوه من فوق فٌبَبْنا
من فوق كنايسنا
مات الأمل زاد الألم
ماتت حبيبتي اللي كنت بحبها
ماتت حبيبتي اللي كنت بحبها
مسكت قلبي بين إيديّ
و قلت أدخل قبرها
و ف حضنها و ف صدرها
لقيتني جوه ف قلبها
غمّضت عيني .. فتحتها
لقيتني نايم جنبها
و ف حلقي كلمة نفسي أقولها
مين أنا ؟
رغم الإجابة ماكنش ليها الملامح
رغم الإجابة ماكنش ليها الملامح
اللي ياما انتظرت بقلب جامح
أسمعها يوم من قلبها
قلت أسامح
و أروح عشانها
و أسأل أهلها
لو حتى ماشي أو حتى طاير
لو حتى سابح
و لقتني راا يح
...لبيروت
شُفْت موت و كإني واقف في التابوت
لقيتني ساكن في الشروخ
عّدى صروخ
عّدى صروخ
من فوقي ... خد مني شوقي
دمّر بيوت
سِبْت وردة ع التابوت و قلت أفوت
و رحت غزّة
و شُفْت عزّة
بين سطور كراريسها واقفة.. حالفة
حالفة وميت يمين
بعد السنين لتزور أبوها و عمّها
و خالها و أخوها في الجنان
! بعد ما تجيب لليهود حبّة جنان
...من غير أمان
سابت إيديّ و قررت ييجي الأوان
مسكت حجارة
باقي العمارة
اللّي كانت ساكنة فيها و أهلها
بالغدر ضربوها الكلاب
و ميت بريئة زيّها
و عراقنا .. كان لي المطرح
قلت أعدّي شويّة و أفرح
وردي يفتّح
...لكن
الفرحة غطّتها دموعي
و دموعي وصلت لضلوعي
و شموعي ف القلب بتجرح
ويّاها مواويلي تنوح
و تبوح
و تروح أيامنا و أحزانا أبدا ما تروح
... يا حبيبتي
يا حبيبتي أنا راجع مصر
أنزف حزني وقت العصر
بعسر
بقهر... و أبوح
راجع أنا ملقيتش أهلك يا حبيبتي
اللي كانوا بيفخروا بكلمة أنا
أهلك حبيبتي مش هنا
ملقيتش غير كل الدمار
نار و عار
ما لقيتش حاجة مننا
حسرة ندامة و ألف يوم بيعدّي
حسرة ندامة و ألف يوم بيعدّي
ما بيهدّي
و أنا ف بدّي
أطلّع من قلبي آه ورا آه
ووراه قلبي تاه
ف موّاله
و سؤالي مين أنا لسّه
ف موّاله
طلعلي من بين القبور كلمة
يا ريت تخدوها من قلبي أنا حكمة
لو كنت عارف مين أنا ... كنت أقول
لو كنت عارف مين أنا ... كنت أقول
.... كنت أقول
عربي أنا....عربي أنا
إهداء من كل قلبي إلى الغالية ماجدة سليمان و مواطنها العربيّ الذي لا يملّ الصراخ
....
و إليها
بقلم العربي : محمد محمود أبوشوشة
said:
said:
said:
said:
said:
said:
said:
من مصر