تردّدت كثيرا قبل أن أصل لقراري بنشر هذة الكلمات ..
كان يحبّها .. كان يطير بحبّها كذاك الطائر المنتشي الحائم فوقي الآن .. لم يسمع لعزفها على الكمان مثيل .. لم أفعل أنا أيضا!!0
حتى .. حتى .. ماتت .. بالقلب .. لم تكن تعرف .. لم يفعل أحد ..0
" قصّتي حقيقيّة "
على قبرها .. على لسان حبيبها .. أقول لها:0
قوليلي كلمة من عنيكي
غير هويتك
غير لقيتك من زمان
ما اللي صار هو اللي كان
مَنَا قلبي ليكي
و بخاف عليكي
(م) الهوا و (م) النوم كمان
عشان عنيكي بتخْتفي
و بتهتفي (ف) حلمك بإسمي
و الصباح يصبح ( ف) حلمي
و الزمان يصير مكان
يجمعنا تاني
و الأماني
نزرعها وردة
و الورود تضحك لك إنتي
و اوعي تفتكري إنك إنتي
مش (ف) بالي
دا الليالي
ياما حنّت في الأيادي
و بقالي ياما في الحالة دي
عارفة من إمتى الحالة دي ؟
من يوم وفاتك
و قعدت أنادي
(ع) الحبيب بتاع زمان
ما اللي صار هو اللي كان
و الكمان في إديكي
أوتاره اللي دابت
شقّقت أجمل سنين
سابت
في أفكاري الأنين
و فين أروح
ما الفرقة سادت
وقت ما مات الحنين
و سألته ياما ليه يا بونا
ما تسيبونا
ليه بناركم تحرقونا
و ألا أقولك
إدفنونا ويّا بعض
و إوعوا يومها تفرّقونا
بالفراق بعد موت هتموّتونا
وقفت على قبرك حبيبتي و الكلام بيمرّ
و السكر في فمّي طعمه مرّ
و ما فيش في بعدك حاجة تيجي
للفؤاد في يوم تسرّ
و ألا أقولك .. أنا نفسي أقولك
كلمة واحدة من عنيّا
غير وحشتيني يا نوري و نور عنيّا
نفسي أمسح دمع عينك عن عنيّا
يا فؤادي
يا مرادي
يا نسمة تايهة و سط وادي
و قبل ما أمشي نفسي أقولك
قوليلي كلمة من عنيكي
غير هويتك
غير لقيتك من زمان
ما اللي صار هو اللي كان
ما اللي صار هو اللي كان
لتحميل القصيدة صوتيّا اضغط
القصيدة مهداة إلى الصديقة الغالية نسمة المصرية
محمد محمود أبوشوشة
said:
said:
said:
said:
said:
من مصر