صديقي العزيز/محمد محمود ابو شوشة
الاول
اولا كل رمضان وانت طيب ياشاعرنا الجميل
بالناسبة للحاجة دينا والاستاذة فيفي عبده يموت الزمار وايده بتلعب

أهلا بالجميل جدا أيمن آدم فلانتينو ..

رمضان كريم يا جميل ..

على فكرة مش ايدو بس اللي بتلعب !!

ألا هيا إيدو بتلعب في نادي إيه دلوقتي ؟!

هههههههههههه

..
بالنسبة لموضوع اني انا و انتا و محمد حسن نفطر في يوم مع بعض يا ريت و اللهي بس أنا لسه مش اتفقت معاه على حاجة !
أول ما يبقى في اتفاق هنبلغك يا جميل ..

يلا باي
دمت سالما

كل رمضان و انتا كويس و مع الحد اللى بتحبو يارب

حلو اوى موضوع العشرينه و "علبه السجاير" لاء بجد بتعمل الواجب فيهم الخير :) .......بيحجوا و بعدين يرقصوا و يرجعوا للحج و بعدين يرجعوا للرقص ,, يا فاهمين الدين غلط يا مش فاهمين نفسهم .......

الغالي أبو شوشة
كل سنة وأنت طيب وكل سنة وأنت من المتفوقين والناجحين بأذن الله
أولاً أنا عايز أعرف أنت فاتح الكافيتريا في نهار رمضان ليه ههههههه
المهم فيفي ودينا وغيرهم ندعوا الله أن يهديهم ويتوب عليهم ويطهر أموالهم ويرزقهم الحجاب وعدم الرقص في الخيام ومجالسة رجال الأعمال والظهور عاريات في التلفاز آمين آمين
ربنا بيقول " الذين ضل سعيهم في الحياة الدنيا وهم يحسبون أنهم يحسنون صنعا "
هما فاكرين إن ربنا بيتقبل الفلوس الحرام .. إن الله طيب لا يقبل إلا طيبة
دمت بكل خير

صباح الخير يا دكتور محمد ...

هلأ بالنسبة لكل الراقصات وليس المذكورتان هم يعتبروا أموالهم حلال وأنا سمعت دينا زمان وهي تقول أنا أرقص بشرفي أما فيفي بتقول دي فلوسي جايباها بعرق جبيني وأنا حرة أعمل الخير وأأكل الناس هم هيتدخلوا بيني وبين ربنا ..

وباعتقادي والله أعلم إنه هذه رزقة الناس الغلابة وما كانت فيفي أو غيرها الا سبب لوصول الرزقة للناس مش شرط من وين لأنه المسكين إله حق على الغني والغني راح أعطى الفلوس لفيفي وفيفي قدمتها للفقير .. هذه حكمة الله سبحانه وتعالى ..

من جهة أخرى الله سبحانه وتعالى هو العالم بالخفايا وما أدراك لحظة من لحظاته يخلي هذه المخلوقة تتوب إليه وتموت وهو راضي عنها ..

لذلك وقت أمثال هؤلاء يقوموا بعمل يقربهم الى الله لابد وأن نشجعهم ونتقبله بالدعاء لهم بالهداية مادام العمل يصب في مصلحة المواطن الفقير والمسكين ..

لكن لو وقف المجتمع ضدهم وحال بينهم وبين التقرب الى الله وخاصة في هذه الأيام المباركة باعتقادي المجتمع سوف ينول سخط الفقير أولا ويجعله يتعاطف مع الراقصة ضده لأنه تسبب بحرمانه من رزقة الله كتبها له ..

ثانيا سيدفع بالراقصات الى الفسوق أكثر والى البعد عن طريق الايمان وسيكون سبب ابتعادها عن كل أسباب الرجوع الى الله والتقرب اليه ..

ولعله سبحانه وتعالى يرحمهن ويقذف في قلوبهن خشيته ويجعلهن من المغفور اليهن ..

لا أحد يعلم بذلك الا الله جل وعلا ..

لذلك لا نملك لهن إلا الدعاء بالهداية وللفقراء بسعة الرزق وتفريج الحال والكرب ..

ورمضان كريم وكل عام وأنتم الى الله أقرب ..

أولا تحياتي واحترامي لأخي العزيز أبو شوشة
ثانيا دخلت الموضوع لأقول لكم أن الفضائيات ربنا يبارك لهم فيها ياااااااااااااااارب مستنية أي ممثلة تعتزل أو رقاصة تعلن التوبة لتقدم برنامجا دينيا
يا خسارة يا أزهر

ميار الببلاوي وسهير الابلي ولا عبير صبري ولا لمين ولا مين ولا مين
يا سيدي خلي الطابق مستور وربنا يديمها نعمة ( وهي الغثيان )
شكرا لك أخي وكل سنة وانت طيب

أولا تحياتي واحترامي لأخي العزيز أبو شوشة
ثانيا دخلت الموضوع لأقول لكم أن الفضائيات ربنا يبارك لهم فيها ياااااااااااااااارب مستنية أي ممثلة تعتزل أو رقاصة تعلن التوبة لتقدم برنامجا دينيا
يا خسارة يا أزهر

ميار الببلاوي وسهير الابلي ولا عبير صبري ولا لمين ولا مين ولا مين
يا سيدي خلي الطابق مستور وربنا يديمها نعمة ( وهي الغثيان )
شكرا لك أخي وكل سنة وانت طيب

ازيك يا دكتور
كل سنه وانت طيب
ورمضان كريم

اه والف اه يا دوك
انا بقالى فتره بتسائل كتير فى موضوع الفانيين والراقصات واللكلام ده
بجد دى مهزله
الفنانه المبجله فيفى عبده تيجى فى اللقاء التليفزيونى من دول لابسه ............؟
اللهم انى صائمه
المهم تقعد تتكلم عن ناجاحاتها فى الرقص وتقول الحمد لله انا لما كنت بحج دعيت ربنا يوفقنى والحمد لله حققت نجاح جامد جدا

ومن الاخر كده الفلوس اللى بتعمل بيها موائد الرحمن والحاجات دى فلوس حرام ده غير انها بتوزع سجائر يعنى برضه بتوزع حاجه حرام

حسبى الله ونعم الوكيل فيهن
الاسلام برئ منهن

بس انا عاوزه اقولك حاجه يا دكتور
انت كاتب الباشمهندسه دينا

كده انا زعلانه لانك شتمت المهندسين
هههههههههههه

ماشى يا دوك
هعديهالك المرادى بس

رمضان كريم

سلام

اه نسيت

تصميم المدونه الجديد حلو اوىىىىىىىىىىىىىىىىىىىىىىىىىىى

تحياتى

الغالي دوماً د. محمد محمود أبوشوشة
شئ غريب يحدث يا محمد ألاحظه .. فقد تجد راقصات يحاولن عمل الخير بغض النظر إن كان عملهم مقبولا أم لا!! وعلي الجانب الأخر أجد الكثير من رجال الأعمال المصلين (المتقين)- والله أعلم بالنوايا- يكنزون المال ولا يشعرون بالفقراء ولا يفعلون نصف هولاء الراقصات !!!
لا أعرف .. تحت أي مصنف أضع كل منهما؟؟
ربنا يهدى الفئتين ويهدينا جميعا إلي سواء السبيل
ورمضان كريم يا دكتور
وكل سنه وانت بكل خير
تحياتى

السلام عليكم ورحمة الله وبركاته

تقبل الله منا ومنكم اخي محمد
اليس صياما خفيفا ولطيفا؟
انه ينشر الطيب والمحبة في كل زاوية
ويجدد الفطرة النقية حيث حط رحاله

الحمدلله

امر لاقول
فطورا خفيفاً
وسحورا طيباً
واياما عطرة في اجواء شهر كريم
مع احبة غالية

مع خالص التحايا
دعوات لك بالتوفيق والتفوق

كالعاده جاى متاخر برده
المهم ياكبير الف مبروك على افتتاح الكافيتريا الجديده وزى كل مره اقولك برافو يا دوك ونتمنالك التوفيق اخوك وصاحبك من ايام ابتدائى محمد شعت

على فكره نسيت اقولك انى خلاص خلصت الصور اللى انت عايزها ومستنى الفرصه تتاح واوصلهالك واسف للتاخير محمد شعت

عزيزى الطبيب
من اهم اركان الدين الاسلامى هو سرية حساباتنا .اى ان الوحيد الذى يحاسب الناس هو اللة وهو من يعلم بماتكنة الصدور وقد تدخل احدى الراقصات الجنة ولا يدخلها شيخ معمم فاللة هو من سيحاسبنا وكما فى الحسابات النيوية خصم واضافة فهنا ايضا خصم واضافة اى انها تأخذ جزائها على السيئات والحسنات وكما قال اللة فى كتابة والحسنات يذهبن السيئات .ومن اسماء اللة الغفور فكيف يغفر اللة ويسامح وهو الالة ونحن لانسامح ولا نعفو .هدانا اللة واياكم الى طريق الرشاد .
عادل نجم

رمضان والراقصات ..
رمضان والخيم الرمضانية ..
وما أدراك مالخيم الرمضانية ..

مقال سلس ..أجدت صياغة الفكرة ..
دمت متألقا ..
يا عم روووووووووووح صلي ..
دمت متألقا وتقبل تحياتي

أولا أعتذر للزائرين الأعزاء و الأصدقاء الغاليين على تأخري في الرد و لكن لظروف بدء الدراسة و الكلام الفاضي بتاع الطب ..!

إليكم ردي ..


شكرا

أهلا بالأخت العزيزة العلياء ..

مرحبا بك سيدتي الكريمة ..
فعلا ..

ربنا يشفي ..
محدش فاهم حاجة ...
و على رأي واحد صاحبي ..

" مفيش فايدة " !!

يلا سلاموز ..!
دمت سالمة و رمضان كريم ..
لك و للأسرة

الأخ الصديق أو الصديق الأخ
العزيز جدا ..

محمد حسن ..
أهلا بك سيدي ..
أولا الكافيتريا كانت فاتحة في النهار عشان تستعد للسهرات الليلية و السحور برفقة الأحباب ..

رغم أنني لم أكن بها لأحتفل معهم لظروف الطب .. يلعن أبوه ..
ههههههههههه

المهم تعليقك على " طنط " فيفي و " مدام " دينا .. ما اجمله من تعليق متقن !

سديدٌ رأيك .. كعادتك ..

رمضان كريم يا جميل
دمت سالما

أهلا بالرائعة الفلسطينية الساحرة اشتياق ..

سيدتي أعلم أن الله على كل شيئ قدير ..
قد يهديهن وقتما شاء ..

و لكن سيدتي كما قال محمد حسن ..
عن حديث محمد ..
إن الله طيب لا يقبل إلا طيبا ..

فكيف نفسر إطعامهن للفقراء .. بالتقرب إلى الله ؟ ..و أموالهن تكتسب بلحومهن و تعرية أجسادهن .. أيقبل الله ذلك ؟!
لا أعتقد ..

قطعا أدعوا الله لهن بالهداية ..
و طبعا المكسب الوحيد هنا هو للفقير ..

رمضان كريم لفلسطين و لمن بها من الأحباب و الطائعين ..

دمت سالمة غاليتي ..

أهلا بالغالية السيدة محاسن ..

مرحبا بك سيدتي ..

فعلا الفضائيات هي المقصد الأول للإختلافات ..

تجدين الدين و العري في قناتين متتاليتين ..!
و المتحكم الوحيد ..
الريموت .. هههههه

بجد بجد .. ربنا يهدي ..!

سعدت بمشاركتك بوجهة نظرك .. احترمها ..

رمضان كريم ..
شكرا و دمت سالمة

أهلا بالأخت العزيزة فطومة ..

أولا الفنانة الرائعة فيفي عبده ما هي إلا نتاج تخلف عقلي للمجتمع المصري ( أو بعضه ) ! ..
الذي أباح للمنافقات و كاسبات المال من العري و الأجساد أن تنفق على الفقراء .. و أن يقف الأزهر بالمعونات التي تصل إليه من الخارج و التي تصل للمليارات فاغر الفم .. لا يفعل شيئا للفقراء .. أترين الفرق واضحا ؟
أم لا ؟

ثانيا ..
بالنسبة لظهور الفنانة المذكورة بالتلفاز ..

ظهرت مرة بعد إشاعة تفيد باعتزالها للرقص ..

فظهرت بأحد البرامج صارخة ..
لألألألألألألأ

أنا الفن مش أسيبه أبدا ..
الرقص عمل ..
و العمل عبادة ..
!!!!!!!

إنسى يا عمرو ..

بالمناسبة آسف جدا لصفة مهندسة التي أسبقت اسم دينا به و لكن للتعريف بقدرها الفني و الأدبي و العلمي ..
ألا تدركين انها حاصلة على الماستارز ؟!

فعلا و الله .. حقيقة ..
لوددت أن أسميها الدكتورة دينا إذا أردتي !

شكرا للمرور سيدتي ..
رمضان مبارك .. لأ بلاش مبارك دي ..
خليها
رمضان كريم ..
دمت سالمة

أهلا بالرائعة
الأم الجميلة
الساحرة
الغالية
العزيزة
ست الكل ..
أستاذة نبيلة غنيم ..


فعلا ربنا يهدي ..
و يهدينا .. ما إحنا عباده برضو ..
و بصي سعادتك .. أنا شكلي هرجع في كلامي ..
" دع الخلق للخالق " .. انا مين عشان أحاسب الناس .؟!!

فعلا
ربنا يهدي ..

نورت يا جميل
دمت سالمة
و رمضان كريم

أهلا بالغالية لطيفة ..
هو صيام خفيف ..
فكيف لا يكون خفيفا و رقة الحال بالجوار ..؟!

و بالطبع لطيفا ..
و كل اللطف يأتينا مع صوت البحار ..

أهلا بصوت المحيط ..! لطيفة ..

صياما مقبولا و أفطارا شهيا لك أيضا سيدتي الغالية ..

أتمنى لك الأفضل دوما ..
كوني بالجوار ..

دمت سالمة

أهلا بالدكتور الجميل محمد شعت ..!

إزيك يا مان ..
أيوة دايما متأخر بس مش مهم .. المهم الطلعة البهية .. !

شكرا يا عم على الزيارة و مستني الصور عشان محتاجها للمقال الجاي ..
إشطا ..!

سلام
دمتا ساليمن ..
رمضان كريم

ليس معى من الكلام ما أقول غير حسبنا الله ونعم الوكيل

ربنا يأخدهم ويريحنا منهم

تحياتى يا طبيب

أهلا بأستاذي الرائع عادل نجم ..

سيدي أن تتوب إلى الله .. سيقبل توبتك ..
أن تتوب إلى الله .. يجب أن تدرك مدى عظمته و ألا تصر على معصيته ..

كيف لا نستحي من الله ؟!!!!

أن تحاول الراقصة المذكورة أن تتقرب إلى الله بهذا .. فيجب عليها أن تدرك أن إصرارها على الذنب و الرقص و " الشخلعة " ما هي إلا استهزاء بالذنب ..

أعلم جيدا ان الخلق للخالق و الله هو من سيحاسبنا جميعا ..

و لكن ان نرى ظاهرة كتلك و لا نتكلم .. !!
لاأدري ..

لعلك محق ..
لعلني مخطئ !!

شكرا سيدي ..
رمضان كريم يا جميل
دمت سالما

أهلا بالرائعة الغالية جدا
أستاذة ماجدة ...

فينك يا جميل ؟!
غايب ليه عننا ؟!

المهم رمضان كريم ليكي و للأسرة كلها و للأحباب و الأصدقاء ..

و ربنا يعين أصحاب الخيم على خيمهم !!

يلا سلام يا جميل ..
دمت سالمة

أهلا بالرائع الجميل
وحيد ..

إيه يا عمنا ؟!
مالك دمك محروق كده ليه ؟!
و إيه ربنا ياخدهم و يريحنا منهم دي ؟!

شكلك صايم و لا ايه ؟!
بص يا عمنا .. لينا و ليهم رب يهدينا للطريق المستقيم ..

خلينا ندعي لكل الناس إن الدنيا و الأخرة تبقي سعيدة بالنسبة لنا ..
خلينا نقول ..
يا رب ارزقنا الجنة و نعيمها ..
يا رب ما تفرق صاحب و صاحبه..
يا رب افتح لنا ابواب رزقك ..
يا رب اجعلنا من الصابرين ..
و قنا عذاب النار ..

بزمتك مش أحسن ؟!

يلا سلام يا جميل .. رمضان كريم
تحيتي لكل أهل الصعيد ..
دمت سالما